عليك مخالفة خليجيه!!!!!!!!!!!!!!!!!!!!!!!

[رايتنا خفاقه]

ذهبت اليوم الى مركز الشرطه للجدد رخصه القياده لما وصلت لم انتظر طويل وصل دوري مجهز بطاقه البنك لفيها اربعين ريال (20 للتجديد ,20 مخالفات محلي) قال لي الشرطي انه عليك مخالفات خليجيه من وين المخالفات الخليجيه ؟وسنه كم؟قال في الامارات وسنه 2009 شهر ثلاثه .
انا سيارتي موديل 2000 اشتريتها من شخص 2007 وتنازل فيها .وسيارتي والله ما عديت فيها حدود السلطنه المهم ذهبت قسم المخالفات اكد لي المخالفه وانه لا يوجد خطا ياخي لم اذهب الى الامارات ذكر لي التاريخ 11ـ3 وقتها كنت في المدرسه انا معلم ,,,,,,,
قال ما عندك حل الا انك تراجع مسقط او تذهب الامارات
هل يقدر حد يساعدني؟؟؟؟؟؟

[مظلوم البريمي]

راجع مرور العين اذا كانت تابعه لبوظبي ولى العين
وبيطلعولك كل التفاصيل مع صورة السيارة وايضآ تتخفض 50%

[أمير المحبة والسلام]

عمي طلعوا عليه 300 ريال مخالفات ف الإمارات!
أساسا هو ما راح هناك
راجعهم ف الإمارات وطلعوا غلطانين ف رقم السيارة!@!

[رايتنا خفاقه]

شكراااااا

[فارس عمان ثلاثه]

الله يعينك

[زهور الفيافي]

أنا اشوف لو المخالفه مال 20 ريال او 40,, وما حصلت حل مع الشرطة هنا في عمان.. دفعهن وامرك لله لان ما يخلص تروح الامارات ..

بس لو كانت اغلى فاكيد لا تسكت عن حقك وراجعهم ف الامارات.

[بلادي ع]

أرسل أصلا بواسطة ALDarmakia

أنا اشوف لو المخالفه مال 20 ريال او 40,, وما حصلت حل مع الشرطة هنا في عمان.. دفعهن وامرك لله لان ما يخلص تروح الامارات ..

بس لو كانت اغلى فاكيد لا تسكت عن حقك وراجعهم ف الامارات.

يا بابا ما فيش مخالفه في الأمارات بقيمة 20و40 أقل مخالفة قيمتها 60 مع فارق العملة

[باحث سياسي]

نفس المشكلة عندي برغم أنني لم أزر دولة الإمارات بالسيارة الحالية !!!!!

[Omani]

تقدر مثل ما قالوا الاخوة تراجع مرور العين أو ابوظبي واذا ثبتت المخالفة عليك الله يعينك ،،
وراح تحصل إن شاء الله تخفيض 50% من قيمة المخالفات ،،

نتمنى لك حظ موفق ان شاء الله

[أبومارية الغافري]

الخطأ وارد
فقد تعرضت لذلك ولكن ما تابعت ودفعت.

[niper$]

نفس مشكلتي

دخلت موقع الشرطة قبل اسبوعين وتفاجأت بمخالفة خليجية مسجلة سنة 2009 بالرغم ان سيارتي غير مؤمنّة للامارات يعني مستحيل اطوف الحدود واساسا ماطلعت خارج حدود السلطنة!!

تو عاد الجماعة يريدوا 600 درهم!!!

تعبنا من اخطاء الشرطة الباهظة

[المهندس أبو حنين]

ألحين أنا معي نفس المشكلة أشتريت سيارة شهر في 4/2010
برقمها وفي شهر 5 بعت الرقم وأخذت رقم جديد ودفع كل المخالفات
اللي علي ولحد اليوم ما دخلت بهذي السيارة للإمارات... اليوم جيت أشيك على المخالفات حصلت مخالفة خليجية
دخلت على
http://www.adpolice.gov.ae/TrafficFi...spx?Culture=ar

حصلت علي مخالفة بالرقم الجديد كيف ما أعرف والمخالفة صادره بشهر 5/2008....

يعني إذا قلنا أن السيارة ما دخلت للإمارات مع المشتري الجديد
وإدارة المرور تعرف متى تم بيع السيارة فلماذا لا يتم تحويل المخالفات التأخرة على البائع سوءا على مركباته الأخرى
أو على بطاقته الشخصية ....للعلم بأن تاريخ المخالفة معلوم وصاحب السيارة هم بعد معلوم !!!!

شي يدعو للحيرة لهذا الدرجة وصل لبعض المختصين والعاملين لدينا للكسل ....

[سلطان اليماحي]

اخوي روح الامارات بطعو لك صورة السياره ورقمها وصورت الشخص الذي كان يسوق السياره لحضة الرادر اذا كان الرادار مصورنك من الامام ..ونشاء الله تتيسر امورك

[رايتنا خفاقه]

أرسل أصلا بواسطة سلطان اليماحي

اخوي روح الامارات بطعو لك صورة السياره ورقمها وصورت الشخص الذي كان يسوق السياره لحضة الرادر اذا كان الرادار مصورنك من الامام ..ونشاء الله تتيسر امورك

قالو المخالفه الوقوف في مكان مخالف اعاق المرور:مستغ� �ب:

[سلطان اليماحي]

راجع مرور الامارات وانشاء الله تتيسر الامور

[عمان وطن الجميع]

الله يعينـــــــــــــــــــــ ـــك.

[ساعة صمت]

لاتقولوا اخاف بعد يدفعوني مخالفات وهميه لاني مفكرهخ اسير الامارات بالاجازه

[جنة85]

سؤال للاخوان هل المخالفات مال السرعة ولا سالك لاني رحت الامارات 5 مرات تقريبا وما شريت بطاقة سالك؟؟؟؟؟؟

[Bleach]

سالك مسموح لك تكون اسبوع ف دبي و اذا طفت اسبوع و لقطك سالك مخالفة

و اق مخالفه رادار ف الامارات 50 ريال عد التخفيض صاحبي طلع عليه 320 ريال عماني ههه

و انا عاد مدري كم بكون لاني رايح جاي بحكم التجارة

[عاشق تراب زايد]

الغالي اظني الشخص اللي مشتري من عنده السيااره من الامارات وكان مخالف فيها
او وصلت متااخر ه
رااجع العين ومابيقصروون عندك ..

حيااك الله

[سنوب بوي]

وأنا صار لي نفس السالفه،، شهر 11 رحت أجدد سيارتي وقالي الشرطي عندي مخالفة خليجية .. في الامارات .. كيف جات هذه المخالفه وانا ما رحت الامارات أبدا بـ سيارتي
والله زين توصل صوب مسقط .. مرات تتبند بروحها السياره

وعاد الشرطي قالي قيمة المخالفة 63 ريال عماني بحكم فارق العملة مع الامارات
بس تعبت اروح لهم، كل مره يقولوا لي شي وما دفعتهن بعدني ولا بدفعهن أصلا
وبيمسحوا المخالفة غصبا عن عينهم

[بدر اوستن]

الله يكون بعونك

[الوكيل79]

أخي العزيز لا تدفع شي اول تأكد من الموضوع
أخبرك ويش صار معي لما بعت سيارة حال صاحبي تأخرة في تغير الأسم تقريبا 4أشهر ولما رحت فحص القرم طلبت كشف مخالفات شفت مخالفة خليجية أستغربت تاريخ المخالفة يوافق الجمعة وأنا بس رحت مرتين بالسيارة دبي وما اروح الجمعة خبرت صاحبي فالشرطه عن طريق الحدود قال ما مر صاحب السيارة على دبي نفس التاريخ لأنه الجهاز يسجل البيانات وبعدين أتصلت فحد من الشباب فدبي ورد علي ماشي مسجلة عليك مخالفة و بعدين حد خبرني قال روح فحص السيب او المرور ماأتذكر المهم رحت وخبرتهم الموضوع وجاب الشرطي ملف وطلع أنه صار غلط فتسجيل المخالفة مثال في الغلط انا رقم سيارتي 4323ي والمخالفة جيه من دبي على الرقم 4322ي لما دخل الموظف المخالفة بدل عن يكتب 4322ي كتب بالغلط رقم سيارتي 4323ي بدل عن يكتب 2 كتب 3 وظهرت عنده بينات الفقير وماشاء الله المخالفة 60ريال والحمدلله مادفعت شي .
أنصح الجميع التأكد قبل دفع المخالفة لأنه المخالفة تجي ورقية والموظف يدخل البيانات أذا غلط فرقم واحد مشكلة وحتى المخالفة فعمان يصير مرات غلط لأنه كان عندنا موظف سوداني حصل مخالفة فالداخلية واصلن ماراح الداخلية وتأكد طلعت بالغلط